Parokia ya Kilole

Parokia hii ipo katika mji wa Korogwe. Ilianzishwa mnamo mwaka 1937 na Mapadre wa shirika la Roho Mtakatifu. Mwaka 1948 Padre Benedict Forsyth aliteuliwa kuwa paroko wa Kilole. Mwaka 1976 parokia ya Kilole ilikabidhiwa kwa Mapadre wazalendo wa Jimbo la Tanga. Na Padre Odillo Mtoi aliteuliwa kuwa paroko wa kwanza wa Kilole.

Kutokana na kuongezeka kwa idadi ya wakatoliki mjini Korogwe. Parokia ya Kilole ilimegwa na kuanzishwa kwa parokia nyingine mjini Korogwe. Parokia hii mpya inaitwa parokia ya Mt. Augustino Manundu. Mapadre walioishi parokiani Kilole waliendelea kotoa huduma katika parokia ya Manundu mpaka Manundu ilipopatiwa Paroko wake.

Masista wa mama yetu wa Usambara wanatoa huduma ya kufundisha katekesi katika shule za msingi zilizopo mjini Korogwe.

Parokia ya Kilole ni moja ya makanisa ya hija Jimboni Tanga. hii ni parokia pekee ambayo mapadre wazalendo wanazikwa katika parokia hii.

Parokia ya kilole imezalisha mapadre wafuatao: Severine Msemwa, Severine Yagaza, Nemes Kiama na Gerald Kabarega.

Kwa sasa Paroko wa parokia hii ya Kilole ni Pd. Josefu Sekija.

 Parokia inavigango vifuatavyo:

Ngombezi, Kwamsala, Mavuluni, Kwashemshi, Mahenje, Lwengera, Magunga Cheki, Mvuleni, Kwamdulu A, Kwamdulu B, Kwakombo, Lujela, Mandera, Maili Kumi, Kwamaligo, Mwananyamala na Old Korogwe

MAPANGO YA AMBONI

MAPANGO YA AMBONI

Mapango ya Amboni yako katika eneo la Kiamoni, kata ya kiamoni, tarafa ya chumbageni, wilaya ya tanga, mkoa wa tanga. Ni eneo zuri la kupumzikia, kwa tafi za kihistoria, kijiografia, kijiolojia, n.k


Mapango haya yako umbali wa kilomita 8 toka tanga mjini kupitia barabara kuu inayoelekea Mombasa. Unaweza kufika katika hifadhi ya mapango kwa kupitia mojawapo ya njia zinazoelekea huko. Ya kwanza ni barabara ya changarawe iliyo upande wa kushoto meta 200 baada ya kuvuka daraja la hofu, ya pili iko kilometa 1.5 kutoka daraja la utofu katika kituo cha ukaguzi wa mazao ya misitu. Njia zote zinapitia katikati ya kijiji cha kiamoni.


Mapango haya yametokana na mabadiliko ya nguvu za asili zilizobadilisha maumbile ya miamba ya chokaa kipindi cha jurasiki (Jurassic period) kama miaka inayosadikiwa kuwa zaidi ya milioni 150 iliyopita. Kulingana na tafiti zilizokwishafanywa, eneo hili la mapango lilikuwwa tena chini ya maji miaka milioni 20 iliyopita na linakadiriwa kuwa na ukubwa wa kilometa za mraba 234 lenye mazingira ya miamba ya chokaa. Ni eneo ambalo linapitiwa na mito na limejaa uoto wa asili.


Miamba ya chokaaa kwa asili huundwa na madini ya kashiamu kabonate [ Calcium carbonate=CaCo3]. Miamba hii ni migumu kumomonyolewa na maji ya kawaida, lakini ni rahisi kuyeyushwa na maji yenye kiasi kidogo cha tindikali ya kaboni (Carbonic Acid). Tindikali ya kaboni iliyobadilisha maumbile ya miamba hii kwa kumomonyoa na kusababisha mapango yaweza kutokana na maji ya mvua yanapochanganyika na dioksidi ya kaboni (carbodioxide) hewani kabla ya kufika ardhini au na dioksidi ya kaboni inayopatikana ardhini. Maji yanapojipenyeza ardhini huendelea kupokea dioksidi ya kaboni kutoka muozo wa viumbe hai kama mimea na wanyama na kutengeneza tindikali. Tindikali ya kaboni inapopambana na madini ya kashiamu kaboneti (calcium carbonate) katika miamba ya chokaa husababisha kumomonyoka kwa miamba hii katika maeneo mbalimbali na kusababisha mapango. Mabadiliko haya huitwa kabonesheni (carbonation). Angalia mchanganuo wa kemikali ufuatao.

Wataalam wanaelezea njia mbalimbali zilizosababisha mapango katika eneo hili.

Kulingana na utafiti uliofanywa na mturi (1979), njia ya kwanza ni ile ya maji ya mvua yanapochanganyika na hewa ya “Carbondioxide” katika anga na kutengeneza tindikali (carbonic acid) ambayo inauwezo wa kuyeyusha madini ya calcium carbonate yanaunda sehemu kubwa ya miamba ya chokaa. Maji haya yenye tindikali husababisha mabadiliko kidogo yanapotelemka kuelekea ardhini. Yakifikia meza ya maji (water table) huku yakiendelea kuongezeka huzidi kuchanganyika na carbondioxide) iliyoko kwenye maji ardhini.


Kina cha maji kikiongezeka maji haya yenye tindikali huwa na uwezo wa kuyeyusha maungio ya miamba katika sehemu laini zaidi za miamba na kusababisha nyufa. Nyufa hizi huzidi kupanuliwa na maji yanayotembea na kusababisha baadhi ya mawe kuporomoka na kufanya mapango. Kasi ya maji inapozidi njia ndogondogo hupanuliwa na kuwa kubwa zaidi na upo uwezekano mapango madogo madogo hupanuliwa na kuwa kubwa zaidi na upo uwezekano mapango madogo madogo kuunganishwa na hatimaye kuwa na mfululizo wa mapango kama yanavyoonekana katika eneo hili.


Kina cha maji kinapopungua eneo huachwa likiwa kavu, lakini mabadiliko hayo huweza kuendelea kutokea chini zaidi na kusababisha njia na mapango mengine katika kina kingine ambapo hutokea muunganiko wa mapango kwa baadhi ya maeneo.


Njia nyingine ni pale ambapo inasemekana eneo hili lilikuwa chini ya usawa wa bahari yaani pembeni ya ufuko wa bahari. Mawimbi ya bahari yakamomonyoa miamba ya chokaa na kusababisha mapango. Baada ya bahari kurudi nyuma kutokana na kupungua kwa kina chake katika eneo hili, eneo la mapango likaachwa likiwa kavu.


Njia zote zilizoelezwa zimehusika katika kutokea kwa mapango haya, Mapango ya kwanza yatakuwa yalitokana na mmomonyoko wa miamba ya chokaa kutoka na maji ya ardhini yenye tindikali yaliyoyeyusha maungio ya miamba ya chokaa na kusababisha mapango. Kina cha bahari kilipopanda, maji ya bahari yalifikia eneo la mapango na mawimbi yake kusababisha kupanuliwa kwa mapango au mabadiliko katika kuta za nje na ndani ya mapango. Kina cha bahari kiliposhuka, eneo la mapango kilikuwa chini sana, maji ya mvua yenye tindikali yamekuwa na uwezo wa kuendelea kupanua na kubadilisha mfumo wa mapango.


Haijulikani mapango haya yaligunduliwa lini, bali taarifa zilizopo zinaonesha kwamba watu wa makabila yaliyoishi jirani na eneo la mapango: Wabondei, Wasambaa, Wadigo, na Wasegeju wamekuwa wakiya tumia kwa ajili ya matambiko ya mizimu tangu karne ya 16. Eneo hili la mapango kwa wakati huo lilijulikana kama eneo la mzimu wa mabavu.


Watu wanaamini habari za nguvu za mizimu katika kutatua matatizo ya uzazi, kuongeza kipato, magonjwa n.k. Kwa hivi sasa hutoka sehemu mbali mbali za Afrika Mashariki na kuja kuomba au kutambikia mizimu katika vijipango mbali mbali. Mbali na matumizi hayo, kampuni ya kigeni iliyojulikana kama “Amboni Limited” ilimiliki mashamba ya mkonge katika eneo la ta nga na kuweka eneo hili chini ya himaya yake mwaka 1892 ili kulitumia kama sehemu ya kupumzikia. Hii inatokana na mazingira mazuri na yenye utulivu ya mapango ya Amboni. Baadaye kampuni hii ilijulisha serikali kuhusu kuwepo kwa mapango haya. Serikali ilichukua hatua kutangaza eneo la mapango kuwa eneo la hifadhi mwaka 1922.


Mwaka 1937 ilipitishwa sheria ya mambo ya kale (Monuments Preservation Ordinace of 1937) iliyofuatiwa na ile ya 1953 (Monuments Preservation Ordinace of 1953) ambayo ingesaidia kulinda mambo ya kale ikiwa ni pamoja na mapango ya amboni. Mwaka 1963 serikali ya Tanganyika ikayaweka mapango chini ya usimamizi wa idara ya mambo ya kale. Mwaka 1964 serikali ilisimamisha sheria ya kikoloni ya 1937 na 1953 na kupitisha sheria ya mambo ya kale ya mwaka huo (The Antiquities Act of 1964) iliyofanyiwa marekebisho mwaka 1979 (Amendments Acts of 1979) kwa ajili ya kulinda mambo ya kale nchini. Kwa upande wa mapango ya Amboni, mbali na mambo mengine sheria inakataza kuandika au kuchora kwenye kuta za mapango.

VIVUTIO:

1. Kuna maeneo maalum yaliyotengwa kwa ajili ya kuomba au kutambikia mizimu ambapo utaona vitu vingi vinavyohusiana na imani za kijadi.


2. Kuna miamba yenye maumbo ya kuvutia yanayofanana na Sofa/Kochi, Meli, Mamba, Tembo, Sanamu ya bikira maria n.k. Kuna vitu vinavyoonekana kama michoro inayofanana na unyayo wa mguu wa binadamu, na mnyama inayotokana na uchafu, hasa vumbi na udongo ambao hunywea pamoja na maji ya mvua na hatimaye kuganda katika paa la pango. Alama nyingine ni zile zilizosababishwa na popo wanaoishi mapangoni.


3. Kuna miamba inayokua au kuongezeka (Speleothems/Dripstones) kutokana na mabadiliko ya kikemikali katika miamba ya chokaa. Mabadiliko haya hutokana na maji yenye tindikali kuyeyusha madini ya “Calicium Carbonate”, kuyahamisha na kuya rundika katika eneo jingine. Mtokeo ni kupata miamba inayokuwa kutoka juu kuelekea chini (stalactite) au inayoelekea juu (stalagmite). Kulingana na utafiti uliofanywa na Mapunda na Msemwa (2005:101). Miamba ya aina hii huongezeka/kukua kwa kasi zaidi kipindi cha mvua kuliko kipindi cha kiangazi. Katika miaka kumi iliyopita, ukuaji wa miamba ya aina hii ni milimeta 0.5 kila baada ya miaka 100. Na kwamba iliwahi kuongezeka kwa kasi ya milimeta 7 katika kila miaka 100 kipindi cha kati ya miaka 38,000 na 34,000 (38 & 34 Ka)

Yapo masimulizi mengine yanayohusu mapango haya, mfano:

Kuna simulizi zinazoelezea njia za mapango zinazoelekea Mombasa, Maweni, Mkoa wa Kilimanjaro n.k. Vile vile zipo simulizi za Osale Otango (Samuel Otango) na (Paulo Hamis). Watu hawa waliwahi kutumia kituo namba tatu ndani ya pango kubwa kama sehemu yao ya kujificha kati ya mwaka 1952 na 1956 huku wakiendesha harakati za kupambana na walowezi waliokuwa wamewekeza katika maeneo ya Tanga. Walipora mali na kutishia maisha ya walowezi katika maeneo mbalimbali. Serikali ya kikoloni iliwatambua kama wahalifu na kujaribu kuwakamata bila mafanikio kwa kipindi kirefu. Mwaka 1957 Paulo Hamis alipigwa risasi maeneo ya Lushoto na kufariki. Wananchi wa kawaida wanawakumbuka kama mashujaa walioendesha harakati za ukombozi wa watu wanyonge kutoka katika mikono ya walowezi na watawala wa kikoloni.


NUKUU:


Habari hizi zimeandikwa kutokana na masimulizi pia maelezo kutoka katika vitabu mbalimbali

Uwanja wa Mkwakwani Uwanja wa Mkwakwani upo Mkoa wa Tanga unamilikiwa na Chama cha Mapinduzi (CCM), ulijengwa mwaka 1972 na unachukua watazamaji 15,000.

Hii ni sehemu wa wafanyakazi waliojitokeza katika uwanja wa Mkwakwani mkoani Tanga

BASI LA KUBEBA WACHEZAJI KATIKA CLUB YA SOKA YA COAST UNION

Wagosi wa Kaya - Tanga kunani?

 
(verse 1)
Tanga kwa kweli ni kijimji kidogo,
na pia kuna mambo ya uswahili si kidogo.
lakini habari zake kwa kweli ni kubwa,
na mji ule ukiuvamia kwa papara palee,
mengi yatakukumba!
Ukifika Tanga utatambuaje kama
kweli huu nd'o mkoa wa Tanga?
Utaona wanawake wengi pale
wamejifunika mabaibui na vijikanga.
Waume makanzu baraghashia, mkononi tasibihi
wanakuhesabia.
Baiskeli ndiyo teleeee, mpaka
zawakera wenye magari barabarani
Halafu hali ya sasa sii kama ile ya
zamani, ukaenda ovyo tu utauza
kila kitu chako cha thamani.
Matajiri wa enzi zile ukiwaona
leo hii tena hawana thamani
Enzi zile bwana mkoa wa Tanga kila
kitu mambo yalikuwa swafi.
Mijikazi ilikuwa tele, na
kulikuwa hakuna mambo ya
ukorofi, lakini sasa hivi thubutu,
twendelea kuchakaa mpaka tutoke
ukurutu, hakuna ndimaa, kilo mtu
ambiwa ajifanya mvuvi ati, na
ukamshauri mtu akushushia
varangati, astaghafirullai laadhim!
Watu waongea peke yao kama
vile wendawazimu, labda tutambike
mizimu huenda kidogo pale mambo
yakany'oka.
Palikuwa na viwanda na mashamba ya mkonge telee. Haviwapi sasa? Utafikiri mamiye mwali aliyefunga kizazi bwana, maana havizalishi ati, vyote viko, nyang'anyang'a.
Hali hii kutupa vitu njia panda, yaonyesha kabisa tayari maisha yeshatushinda.
Watu kilo siku waenda kwa waganga, ukipita pale mara kumevunjwa nazi, mara huku nako kule kumetupwa hirizi, mwatakani basi nyiye wana msiotulia?
KIITIKIO
Tanga, kunani paleee,
mbona kila kitu pale kimekufa,
Tanga, kunani paleee,
mbona maisha pale yanasikitisha.

(verse 2)
lshi Tanga lakini kuwa makini,
watu wajua mpaka siri zako za
ndani, sijui habari hizi huwa waambiwa
na nani?
Hospitali ya Bombo ya leo ni vichekesho,
ukienda pale hata kama utumbo uko nje,
utaambiwa tu matibabu kesho.
Tanga, Tanga jamani yarabi toba.
Ndege pia kwa mwezi twaona mara moja,
basi balaa hili watu tumekuwa twaishi maisha ya
tumbiri,
sijui tusomeane alubadili,
ili tumkamate alotu filisi utajiri.
Bandari nayo sasa yachungulia shimo,
zamani waweza ona miji meli palee wala haina kipimo, lakini! sasa hivi si meli tena,
wala hazina uwezo wa kubeba hata kontena.
Ukiondoa Wahindi na Waarabu,
Waswahili wenye pesa ni wa kuhesabu,
halafu wikiendi angalia nyendo zao,
kuchukua wake za watu na kutaka mambo nje ya
uwezo wao.
Saruji ndo kiwanda arnbacho
kimebakia, panga pangua makaburu wameingia ubia. watafanyabiashara miaka mitano haifiki nao wale pia watajiondokea
Railway kimyaa, zamani wenyewe
pale tulishaizoea mijihoni, sasa hivi
behewa moja la abiria hatulioni,
mwawekani basi mabehewa
yaloozana pale. Si muondoe jama
yaleta mafico wezi yale.
KIITIKIO
(verse 3)
Hatijawahi kulalamika sisi hata
siku moja,najuu ya maisha ya Tanga MC natoa hoja, msije mkaona mzaha jamani hivi si vioja,
kucheka mtacheka lakini mkoa unadoda
Viongozi wetu kazi yao hawajui hata moja,
vikao vyao n'vingi wanakutana Mkonge Hotei,
na agenda za huko hawatiambii ukweli.
Promise zao ni za uongo haziambiiki,
sijui wametuona mma'bahau ama m'visiki,
Tinapomichagua majukumu yenu mnayatambua?
Au mnaona raha dada zetu kuuza vitumbua?
Titabeba zege mpaka lini na kujitutumua?
Inaelekea mmetisahau halafu pesa mnazitumbua.
Na huu mpango mpango wa Tanga wa vipande vya baiskei,
titakuja kutoana roho mchana mchana aisee, tinashikwa na mgambo ili tilipie manispaa,
wakati wagosi wa kaya wenyewe ti nakufa na njaa. asalam alekum wallahi
Ndio maana akili zetu mnasema hazifai,
na asubuhi ni mnazi badala ya chai.
Pamoja na viwanda na upuuzi huo kufa,
elimu tinaichezea halafu kingereza n'cha ugoko. Tisibishane hapoo!
Sasa tirudi katika suala ya maendeleo,
tinapataje mtaji kwa ajili ya haya maendeeo?
Kama si kupakiza magunia kwenye Shengena,
tinalipwa hela kidogo haafu tinasengenywa.
Chai asubuhi ni kavu hakuna cha kutafuna,
watoto wamezoea ubwabwa siku huna hela wananuna,
Wake zetu wamekakamaa utadhani wanafanya diet, haku nacha diet hapo ukapa umepanda chati
Na ukitaka kujua n'balaa kwa haya tinayosema,
uwanja wa sabasaba umekufa, hata jumba ya sinema.
Msije mkani kumbusha mimi hapa naweza kulia.
Oh Tate none wa Tanga tushikamane.
Mike Byanaku ni fundi mzuri wa baiskeli,
anasaidia sana lazima niseme ukweli.
Anapogonga nyundo Wahindi wanasema n'kelele,
nntafutieni nyundo yasailensa aondoe hizo kelele.
Na nyie na magari yenu msipige honi wala misele, hapo titaelewana.
Tanga tina barabara maarufu na ziko ishirini na moja, na hizi zimejipanga panga na ni hatari kwa vioja,
tega sikio usikie ni kitu gani kinakuja.
Tinao akina kaka wanaoshikishwa ukuta,
wengine wanajifanya waswalihina wanakula kitimoto, hatiwasemi tinaogopa mkong'oto.
Tanga Wahindi wamejazana kwenye maghorofa ya msajii,
tunabaki kuhangahanga Kwanjeka sisi waswahii, ukipita chini ya ghorofa wanakutemea mate ya paliki
Ukiuliza hivi n'kwa nini matusi yake hayaambiiki.
Weee Master J!
Kuna siku n'tampandia mtu ghorofani nimtoe roho, halafu n'pelekwe kwenye gereza la Maweni n'kanyee ndoo.
Timeshachanganyikiwa mnatiletea ubishoo.
Juhudi zako zinaonekana sana Kapteni Mkuchika. Afadhali sasa kidogo Tanga tinahema na kucheka.
Maneno tinayoongea hapa hatumpigi mtu kamba, Wagosi tinamalizia na salamu kwa Makamba.
Baba yetu Makamba,
hawa akina matonya hawako tu pekee Daisaama, hata kule Tanga wamejazana ni kiama.
KIITIKIO